នគរបាលប៉ុស្តិ៍រដ្ឋបាលភ្នំពេញថ្មី ឃាត់ខ្លួនជនសង្ស័យម្នាក់ ប្រើប្រាស់គ្រឿងញៀន
03-April-2018 | ដោយ ពលមនសិការ
ភ្នំពេញ ៖ កាលពីថ្ងៃទី០២ ខែមេសា ឆ្នាំ២០១៨ វេលាម៉ោង២១និង៣០នាទី ប៉ុស្តិ៍រដ្ឋបាលភ្នំពេញថ្មី បានឃាត់ខ្លួនជនសង្ស័យម្នាក់ ករណីប្រើប្រាស់គ្រឿងញៀន នៅចំណុចតាមផ្លូវ១៩៨៦ ភូមិទំនប់ សង្កាត់ភ្នំពេញថ្មី ខណ្ឌសែនសុខ។
លោកវរសេនីយ៍ឯក ហ៊ួរ ម៉េងវ៉ាង អធិការខណ្ឌសែនសុខបានឱ្យដឹងថាជនសង្ស័យឈ្មោះ ស្រី រតនា ភេទប្រុស អាយុ២៤ឆ្នាំ ជនជាតិខែ្មរ មុខរបរមិនពិតប្រាកដ ស្នាក់នៅបន្ទប់ជួល សង្កាត់ទឹកល្អក់៣ ខណ្ឌទួលគោក។
សម្ភារៈដកហូត ៖ ម៉ូតូចំនួន០១គ្រឿង ម៉ាកMSX ពណ៌ខ្មៅលាយស ផលិតឆ្នាំ២០១៧ ពាក់ស្លាកលេខភ្នំពេញ1GN-6613។
លោកអធិការខណ្ឌបានបន្តថាមុនពេលឃាត់ខ្លួនជនសង្ស័យខាងលើកម្លាំងល្បាតប៉ុស្តិ៍រដ្ឋបាលភ្នំពេញថ្មី បានល្បាតក្នុងភូមិសាស្ត្រដល់ចំណុចកើតហេតុខាងលើ ឃើញជនសង្ស័យម្នាក់ កំពុងជិះម៉ូតូ០១គ្រឿងតាមផ្លូវដោយមានការសង្ស័យកម្លាំងល្បាតយើង បានធ្វើការត្រួតពិនិត្យលើដងខ្លួន រួចបាននាំខ្លួនជនសង្ស័យមកធ្វើការសាកសួរ និងត្រួតពិនិត្យទឹកនោម រកសារធាតុញៀន នៅអធិការដ្ឋាននគរបាលខណ្ឌសែនសុខ។ បច្ចុប្បន្នជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
ចំនួនអ្នកទស្សនា
- ថ្ងៃនេះ4151
- ម្សិលមិញ10851
- សប្តាហ៍នេះ70671
- ខែនេះ185821
- ឆ្នាំនេះ185821
- សរុប20628277